„ინდუსტრილოგია: ზესტაფონი“
თბილისი. „ადამიანის უფლებების სწავლების და მონიტორინგის ცენტრი" (EMC) ბლოგპოსტს აქვეყნებს: „ინდუსტრილოგია: ზესტაფონი".
„ეს ალგებრული კონსპირაცია ზაფხულში სამი ინდუსტრიული ქალაქის „მოლოცვის" შემდეგ ჩამოყოლილი მყარი კონსტრუქციაა. მარტივი გამოწვევა არ არის, ცივი გონებით მჭვრეტელის პოზიცია შეინარჩუნო იქ, სადაც სინამდვილე ასობით კვადრატულ მეტრზე მავთულხლართებით გარშემორტყმული ბეტონის სამმეტრიანი ღობეებიდანაც ვერ მალავს თავს და საწარმოო მტვერისა და გადაღლილი მშრომელების სურათებით ჩაგძახის: „ძალაუფლება პრივატიზებულია. ზესტაფონი ჩემთვის რუხია", ნათქვამია სტატიაში. ბლოგი თანდართულ ფოტომასალასთან ერთად სამი ინდუსტრიული ქალაქის შესახებ თავმოყრილ შთაბეჭდილებებს გვიზიარებს.
წყარო: emc.org.ge
