როგორ უნდა განვითარდეს კულტურის სფერო რეგიონში?
აჭარა. 25 სექტმბერს, „კულტურული რესურსების კვლევებს” აჭარის განათლების, კულტურისა და სპორტის სამინისტროს დაკვეთით „კავკასიის ფონდი” იწყებს. ფონდში ჩართული სპეციალისტები შუახევში იმყოფებოდნენ. ისინი ქედისა და შუახევის მუნიციპალიტეტების კულტურის დარგში დასაქმებულ თანამშრომლებს შეხვდნენ და არსებულ პრობლემებზე ისაუბრეს. დღის მეორე ნახევარში კი შეხვედრა კულტურის მიმართულებით მომუშავე საზოგადოებრივი ორგანიზაციების წარმომადგენლებთან გაიმართა. კლევების დასრულების შემდეგ, სპეციალისტები დამუშავებულ რეკომენდაციებს აჭარის განათლების სამინისტროს გადაუგზავნიან. კულტურის სფეროში გამოკითხვები რეგიონის მასშტაბით მოსახლეობასთანაც მიმდინარეობს.
