შიდა ქართლი. 10 დეკემბერს, ადამიანის უფლებათა დაცვის საერთაშორისო დღეს, გორის ახალგაზრდული ცენტრის ახალგაზრდებმა დაბეჭდეს მესიჯები ტექსტით „ნუ დაემონები ნურავის, იყავი თავისუფალი”. ტექსტი დაბეჭდეს ქართულ, აზერბაიჯანულ და სომხურ ენებზე და გორის რაიონის მიმდებარე სოფლებში გაავრცელეს.

სოფელი თედოწმინდა დასახლებულია აზერბაიჯანული მოსახლეობით. მათმა უმრავლესობამ ქართული არ იცის და ახალგაზრდებმა შესაბამისად ტექსტი დაბეჭდეს აზერბაიჯანულად. ასევე ცენტრის წევრები ესტუმრნენ ეთნიკური სომხებით დასახლებულ უბანს ქ. გორში, სადაც სომხურენოვანი მესიჯები დაარიგეს. ღონისძიებაში 30–მდე ახალგაზრდამ მიიღო მონაწილეობა.

აღნიშნულ თარღთან დაკავშირებით მომზადდა აგრეთვე მცირე ფილმიც.