საია საარჩევნო ცვლილებებზე პარლამენტს დასკვნას წარუდგენს
თბილისი. საქართველოს ახალგაზრდა იურისტთა ასოციაცია საარჩევნო ცვლილებებზე პარლამენტს დასკვნას წარუდგენს.
„ამომრჩეველთა რაოდენობის მიხედვით საარჩევნო ოლქების გათანაბრება საქართველოს ხელისუფლების მიმართ საერთაშორისო ორგანიზაციების მრავალწლიანი რეკომენდაციის საგანს წარმოადგენს. თუმცა, გვინდა დასაწყისშივე აღვნიშნოთ, რომ წარმოდგენილი ინიციატივა არ არის საკმარისი ქვეყანაში უფრო სამართლიანი საარჩევნო სისტემისა და გარემოს ჩამოსაყალიბებლად, ვინაიდან იგი კომპლექსურად ვერ უზრუნველყოფს ყველა იმ გამოწვევის აღმოფხვრას, რაც არსებულ შერეულ საარჩევნო სისტემას გააჩნია", ნათქვამია ორგანიზაციის განცხადებაში.
წყარო: gyla.ge
