აჭარა. 10 დეკემბერს, ბათუმის დემოკრატიული ჩართულობის ცენტრში, ჰაინრიჰ ბიოლის ფონდის მიერ მორიგი საჯარო დისუსია გაიმართა. ამჯერად, შეხვედრა ქალთა უფლებების შესახებ არსებული მდგომარეობის ანალიზს დაეთმო. შეხვედრაზე მომხსენებლები იყვნენ: ნინო დანელია - ილიას სახელმწიფო უნივერსიტეტის პროფესორი, სალომე ფუტკარაძე - თავისუფალ ჟურნალისტთა სახლის პროექტის კოორდინატორი, შოთა ხინჩა – პოლიტოლოგი, დამოუკიდებელი ექსპერტი, ხოლო შეხვედრის მოდერატორი რადიო თავისუფლების ჟურნალისტი ნატა იმედაიშვილი იყო. შეხვედრას ადგილობრივი საზოგადოებრივი და სახელისუფლებო ორგანიზაციების წარმომადგენლები ესწრებოდნენ. შეხვედრის მონაწილეებმა ისაუბრეს იმ ორგანიზაციების მიღწევებზეც, რომლებიც წლებია ქალთა მიმართ ძალადობის შემცირებასა და ქალთა უფლებების დაცვას ცდილობენ რეგიონში.