გავიგოთ მეტი შეზღუდულ შესაძლებლობებზე
აჭარა. 22 დეკემბერს, შშმ პირთა ახალგაზრდულმა ორგანიზაციამ „ცვლილებები თანაბარი უფლებებისათვის" ქედის მუნიციპალიტეტში მორიგი საინფორმაციო შეხვედრა გამართა. ორგანიზაციის წარმომადგენლები, დამამთავრებელი კლასის მოსწავლეებს შეზღუდული შესაძლებლობის თემაზე ესაუბრნენ. შეხვედრის მიზანი იყო მოსწავლეებში სწორი ტერმინების დამკვიდრება და იმ სტერეოტიპებისაგან გათავისუფლება, რაც შშმ პირთა ინკლუზიის პროცესს აფერხებს. შეხვედრას ქედის მუნიციპალიტეტის ახალგაზრდობის ცენტრის წარმომადგენლები და სკოლის სპეც. მასწავლებლებიც ესწრებოდნენ.
