თბილისი. ადამიანის უფლებების სწავლების და მონიტორინგის ცენტრი (EMC), იწყებს პროექტს „მარგინალიზებული ჯგუფების უფლებების დაცვის მხარდაჭერა სამოქალაქო განათლებისა და საჯარო დისკუსიების წახალისების გზით".

„პროექტის ხანგრძლივობა 3 თვეა და ის მოიცავს აქტივისტებისთვის სადისკუსიო ფორუმის ორგანიზებასა და მიღებული ცოდნის გამოყენებას ცალკეულ მარგინალიზებულ ჯგუფებთან. 16 იანვრიდან 20 იანვრის ჩათვლით, გაიმართება 5-დღიანი ფორუმი თემაზე: „ჩაგვრის სოციალური და პოლიტიკური ასპექტები: თეორია და პრაქტიკა". ფორუმის მიზანია, ერთი მხრივ, გამოავლინოს და გაანალიზოს ჩაგვრის ისეთი ფორმები, როგორიცაა ექსპლუატაცია, გარიყვა, უძლურება, ძალადობა და კულტურული იმპერიალიზმი ლოკალურ კონტექსტში ხოლო, მეორე მხრივ, გაიაზროს ჩაგვრის ფორმებისა და გამოვლინებების საპასუხო წინააღმდეგობები სოციალური მოძრაობების თუ ცალკეული აქტივიზმის სახით", ნათქვამია ორგანიზაციის ვებ-გვერდზე.

წყარო: emc.org.ge