OSGF–ის მხარდაჭერით პანკისის ხეობაში სათემო რადიო შეიქმნება
თბილისი. ფონდმა „ღია საზოგადოება საქართველომ" პანკისის ხეობაში ეროვნული უმცირესობის სამოქალაქო ინტეგრაციის ხელშეწყობის მიზნით, მხარი დაუჭირა პროექტს, რომლის ფარგლებშიც პანკისის ხეობაში სათემო რადიო შეიქმნება.
„WAY - სათემო რადიოსთვის ამ სახელის დარქმევა პანკისის ხეობაში მცხოვრები ახალგაზრდების ინიციატივაა. WAY ინგლისურად გზას ნიშნავს, ჩეჩნურად - ჩვენი. პროექტი ითვალისწინებს რადიოს ამუშავებას (ინტერნეტმაუწყებლობა), სათემო აქტივისტების მოზიდვას, ღია დიალოგისა და დემოკრატიული პროცესების ხელშეწყობას, საინფორმაციო გადაცემების მომზადებას ქართულ და ჩეჩნურ ენებზე. რადიოს მიერ განსაკუთრებული ყურადღება დაეთმობა იმ პრობლემების გაშუქებას, რომელიც პანკისის ხეობის მოსახლეობას აწუხებს, რაც თემისთვის პრიორიტეტულია", ნათქვამია ორგანიზაციის ვებ-გვერდზე.
წყარო: www.osgf.ge
