თბილისი. ომბუდსმენმა წინადადებით მიმართა პრემიერ-მინისტრს ოკუპირებულ ტერიტორიაზე ლეგიტიმურად მცხოვრებ პირებს მისცეს შესაძლებლობა C ჰეპატიტის სახელმწიფო პროგრამაში ჩაერთონ. „ოკუპირებულ ტერიტორიებზე მცხოვრები მოსახლეობა განსაკუთრებით მოწყვლად კატეგორიას მიეკუთვნება, რომელთაც მძიმე სოციალურ, ეკონომიკურ და უფლებრივ სიტუაციაში უწევთ ცხოვრება. სავალალო მდგომარეობაშია კლინიკები და ამბულატორიები, მცირეა კვალიფიციური ექიმების რაოდენობა. მოსახლეობას უამრავი წინააღმდეგობის გადალახვა უწევს საოკუპაციო ხაზის გადმოსაკვეთად.

ამ პირობებში, სახალხო დამცველს მიაჩნია, რომ საქართველოს ეკისრება პოზიტიური ვალდებულება დაიცვას ოკუპირებულ ტერიტორიაზე მცხოვრებ პირთა ჯანმრთელობა და სოციალური უფლებები, უზრუნველყოს სამედიცინო დახმარება ყველასათვის განსხვავების გარეშე", ნათქვამია ორგანიზაციის ვებ-გვერდზე.

წყარო: www.ombudsman.ge