საჯარო შეხვედრა ჯანდაცვისა და სოციალური უზრუნველყოფის სამინისტროში
აჭარა. 11 თებერვალს, ჯანდაცვის მინისტრის მოადგილემ, სამედიცინო დაწესებულებების ხელმძღვანელებს და არასამთავრობო ორგანიზაციებს განსახილველად პირველად წარუდგინა 2016-2019 წლების დოკუმენტის პროექტი. სამინისტრო გეგმავს, რომ ჯანდაცვა და სოციალური მომსახურება უფრო ხარისხიანი და ფინანსურად ხელმისაწვდომი გახადოს. სტიქიის შედეგად დაზარალებული ოჯახების უსაფრთხო გარემოში ინტეგრირება, დასაქმების მსურველთა გადამზადება შრომის ბაზრის მოთხოვნების შესაბამისად - ეს პრიორიტეტები სამინისტროს სტრატეგიული გეგმის ნაწილია, რომლითაც სამინისტრო სამი წლის განმავლობაში პროგრამების შედგენისას იხელმძღვანელებს.
