„ფან-არტი“ ბათუმში
აჭარა. 11 მარტს, ბათუმის შოთა რუსთაველის სახელობის სახელმწიფო უნივერსიტეტში საჯარო შეხვედრა გაიმართა, სადაც ბავშვთა და ახალგაზრდობის ეროვნული ცენტრი სტუდენტებს ესაუბრა მრავალჟანრობრივი ფესტივალის „ფან-არტის" შესახებ. ცენტრის წარმომადგენლები რეგიონის სტუდენტური თვითმმართველობის ხელმძღვანელებსაც შეხვდნენ და ფესტივალის მნიშვნელობაზე ესაუბრნენ. ორგანიზატორების განმარტებით, ფესტივალი ხელოვნების 10 მიმდინარეობას მოიცავს და იმედოვნებენ, რომ მასში აჭარიდან ჩართულობა მაღალი იქნება. „ფან-არტი" 2012 წლიდან იმართება და მასში 14-დან 29 წლამდე ასაკის ახალგაზრდები მონაწილეობენ. ღონისძიება 24-დან 31 მარტის ჩათვლით გაიმართება. მსურველებს აპლიკაციების შევსება 17 მარტამდე შეუძლიათ.
