თბილისი. 10 მარტს, ცნობილი გახდა, რომ საქართველოს ხელისუფლებამ და აფხაზეთისა და სამხრეთ ოსეთის დეფაქტო ხელისუფლებებმა მიაღწიეს შეთანხმებას პატიმართა გათავისუფლების თაობაზე პრინციპით „ყველა ყველაზე".

„სახალხო დამცველი მიესალმება საქართველოს და დეფაქტო ხელისუფლებებს შორის დაწყებულ დიალოგს პატიმართა გათავისუფლების საკითხზე და მიიჩნევს, რომ ეს ნაბიჯი მხარეებს შორის ნდობის აღდგენას და შემდგომ სტაბილურობას შეუწყობს ხელს. თავისუფლებისა და უსაფრთხოების უფლება განმტკიცებულია საქართველოს კონსტიტუციითა და საერთაშორისო კონვენციებით და საქართველოს ხელისუფლება ვალდებულია ყველა ღონეს მიმართოს ამ უფლების დასაცავად", ნათქვამია ომბუდსმენის ვებ-გვერდზე.

წყარო: ombudsman.ge