სამეგრელო. ზუგდიდში მოქმედი სხვადასხვა არასამთავრობო ორგანიზაციების წარმომადგენლებმა, 24 დეკემბერს, თვითმმართველობის მონიტორინგის საინიციატივო ჯგუფი ჩამოაყალიბეს. ჯგუფი წევრების განცხადებით, მათი მიზანია ზუგდიდის მუნიციპალიტეტში თანამდებობის პირთა არჩევის, დანიშვნის საჯაროობის და გამჭვირვალობის უზრუნველყოფა. ამ მიზნით, ისინი ადგილობრივ ხელისუფლებაზე მონიტორინგს დღეიდან იწყებენ. ჯგუფი დასახული მიზნების განხორციელებას დემოკრატიული ჩართულობის ცენტრის დახმარებით გეგმავს.