აფბა - „მედიკამენტებზე ფასების კლების ტრენდი შენარჩუნებულია“
თბილისი. „ახალგაზრდა ფინანსისტთა და ბიზნესმენთა ასოციაცია - აფბამ" და „ჯანდაცვის პლატფორმამ" „ფანასკერტელის ინდექსის" მარტის თვის კვლევის შედეგები შეაჯამეს.
„ინდექსი თებერვლის მონაცემთან შედარებით 12,5%–ით შემცირდა და 11,1 პუნქტი შეადგინა. ფასების კლება, ბოლო მონაცემების საფუძველზე, ძირითადად, ორ მნიშვნელოვან ფაქტორთან არის დაკავშირებული. პირველი მიზეზია, უკანასკნელ პერიოდში, ეროვნული ვალუტის გამყარება დოლართან მიმართებაში, რამაც სტიმული მისცა იმპორტიორ კომპანიებს და შესაბამისად, სააფთიაქო ქსელებს, ფასები შეემცირებინათ უმეტესი დასახელების მედიკამენტზე. ხოლო მეორე და არანაკლებ მნიშვნელოვანი ფაქტორი არის ბაზარზე კონკურენციის გამძაფრება", ნათქვამია ორგანიზაციის ვებ-გვერდზე სოციალურ ქსელში.
წყარო: ორგანიზაციის ვებ-გვერდი სოციალურ ქსელში
