თბილისი. 7 იანვარს ასოციაცია ანიკას და სამხატვრო აკადემიის მიერ ორგანიზებული ნახატების გამოფენა–გაყიდვა მოეწყო დევიზით: „ჩვენ თავად მოვალთ თქვენთან".

ასოციაცია „ანიკას" დამოუკიდებელი ცხოვრების ცენტრში მასტერკლასები (ფერთა თერაპია, არტ თერაპია, ფერწერა, გაფორმების საშუალებები) გაიარა 33–მა შეზღუდული შესაძლებლობის მქონე ახალგაზრდამ და ბავშვმა. 7 იანვრის გამოფენა–გაყიდვაზე წარმოდგენილი იქნა სწორედ მათი ნამუშევრები. გამოფენიდან შემოსული თანხა კი მოხმარდება „დღის ცენტრის" აღსაზრდელებისათვის სამზარეულოს მოწყობას. ასოციაცია „ანიკა” მსგავსი პროექტების განხორციელების გზით ქმნის სამოდელო სერვისს შეზღუდული შესაძლებლობის მქონე ახალგაზრდების მომსახურების სფეროში.