აჭარა. 14 მაისს, კოალიცია „დამოუკიდებელი ცხოვრებისათვის" შეზღუდული შესაძლებლობის მქონე პირთა სამართლებრივი ადვოკატირების პროექტის ფარგლებში ბათუმელ ადვოკატებს სემინარი ჩაუტარა. ტრენინგში მონაწილე ადვოკატები გაეცნენ ყველა იმ მნიშვნელოვან დებულებას, რაც შშმ პირთა დაცვის კონვენციით არის გათვალისწინებული და ამ კატეგორიის ადამიანების უფლებებს ეხება. პროექტი აჭარის რეგიონში USAID-ის ფინანსური მხარდაჭერით და ადვოკატთა ასოციაციის თანაორგანიზებით ხორციელდება. სამუშაო შეხვედრები ადვოკატებთან სხვა რეგიონებშიც არის დაგეგმილი.