აჭარა. 9 იანვარს, ბათუმის დემოკრატიული ჩართულობის ცენტრში გაიმართა საჯარო დისკუსია, სადაც განხილულ იქნა კოალიციის – „მედიის ადვოკატირებისთვის" – მიერ მომზადებული მაუწყებლობის შესახებ კანონში ცვლილებებისა და დამატებების პროექტი. დისკუსიის მთავარ მიზანს წარმოადგენდა  აჭარის ტელევიზიის სტატუსის განსაზღვრის სამართლერივი ასპექტების გაცნობა. შეხვედრის მონაწილეებმა აქცენტი აჭარის ტელევიზიის საზოგადოებრივ მაუწყებლად გადაკეთებაზე გააკეთეს. შეხვედრას პოლიტიკოსები, სამოქალაქო საზოგადოების, ადგილობრივი საზოგადოებრივი ორგანიზაციების და მედიის წარმომადგენლები ესწრებოდნენ.