„დაინახე უფრო მეტი ვიდრე ჩანს”
აჭარა. 7 ივნისს, ხელვაჩაურის მუნიციპალიტეტის კულტურის ცენტრში პროექტის პრეზენტაცია გაიმართა. „დაინახე უფრო მეტი ვიდრე ჩანს” – ამ სახელწოდების პროექტი მიზნად ისახავს შეზღუდული შესაძლებლობების პირებისთვის ადაპტირებული გარემოს შექმნასა და მათ საზოგადოებაში ინტეგრირებას. ღონისძიებაში 14-დან 25 წლამდე ასაკის ახალგაზრდები, მათ შორის შეზღუდული შესაძლებლობების მქონე პირებიც მონაწილეობდნენ. პროექტის მხარდამჭერი ბრიტანული არასამთავრობო ორგანიზაციაა. პრეზენტაციის დასრულების შემდეგ ჩამოყალიბდა საინიციატივო ჯგუფი, რომელიც რეგიონში ამ კუთხით შესაბამისი გარემოს შესაქმნელად აქტიურად იმუშავებს.
