ომბუდსმენი საპარლამენტო ანგარიშში ასახული გამოწვევების შესახებ
თბილისი. 21 ივნისს, ომბუდსმენმა 2015 წლის საპარლამენტო ანგარიშში ასახული იძულებით გადაადგილებულ პირთა და კონფლიქტით დაზარალებული მოსახლეობის უფლებრივი მდგომარეობაზე ისაუბრა.
„მონიტორინგმა და ინდივიდუალური განცხადებების შესწავლამ ცხადყო, რომ გარკვეული პროგრესის მიუხედავად, იძულებით გადაადგილებულ პირთა უდიდესი ნაწილისთვის მძიმე საცხოვრებელი პირობები და საცხოვრებელი ფართის არქონა კვლავ უმთავრესი პრობლემაა. პრობლემად რჩება დევნილთა ინფორმირებულობის დაბალი ხარისხი - იძულებით გადაადგილებულ პირთა უფლებრივი მდგომარეობის სფეროში მიმდინარე მოვლენებზე," ნათქვამია სახალხო დამცველის ვებ-გვერდზე.
წყარო: ombudsman.ge
