„რატომ უნდა შეწყვიტოთ 30-გვერდიანი ანგარიშების წერა”
თბილისი. ჯამპსტარტ ჯორჯია აქვეყნებს ბლოგპოსტს: „რატომ უნდა შეწყვიტოთ 30-გვერდიანი ანგარიშების წერა.”
„ყოველწლიურად უამრავი საათი იხარჯება იმ პროექტებზე სამუშაოდ, რომლებმაც გარკვეული ცვლილებები უნდა მოიტანოს. ამის მიუხედავად, ცვლილების მთავარი ინსტრუმენტი ის გრძელი ანგარიშებია, რომელსაც, გულახდილად რომ ვთქვათ, თითქმის არავინ კითხულობს. მნიშვნელოვანი ტექსტი გამოკეტილია PDF დოკუმენტში, რომლის საბოლოო ხვედრიც ვებგვერდზე ლინკის სახით არსებობაა. მოკლედ რომ ვთქვათ, მათ პოვნას გუგლიც კი ვერ შეძლებს.
თუ თქვენ უბრალოდ გრძელ ანგარიშებს წერთ, დიდია იმის შანსი, რომ ამას მხოლოდ თქვენთვის აკეთებთ. ჰკითხეთ საკუთარ თავს, რა შესაძლებლობები არსებობს იმ ხალხამდე ხმის მისატანად, რომელსაც ცვლილებების მოტანა შეუძლია? როგორია თქვენი სტრატეგია მათთან სალაპარაკოდ? მათ ასამოქმედებლად?," ნათქვამია ორგანიზაციის ვებ-გვერდზე.
წყარო: jumpstart.ge
