„მაესტრო“-ს საია-ს მომზადებული სოციალური რგოლის განთავსება დაევალა
თბილისი. კომუნიკაციების ეროვნულმა კომისიამ დააკმაყოფილა საქართველოს ახალგაზრდა იურისტთა ასოციაციის საჩივარი და ტელეკომპანია „მაესტრო"-ს დაავალა საია-ს მომზადებული სოციალური რეკლამის ეთერში განთავსება.
„საია-ს მომზადებული სოციალური რეკლამა ადრეულ ასაკში ქორწინების უარყოფითი მხარეების შესახებ საზოგადოებრივი ცნობიერების ამაღლებას ისახავს მიზნად. საია-ს საჩივრის განხილვისას „მაესტროს" წარმომადგენელმა განმარტა, რომ „მაესტრო" უარს რეკლამის განთავსებაზე იმიტომ ამბობდა, რომ ვიდეო რგოლი არ წარმოადგენდა სოციალურ რეკლამას.
კომისიამ დაადგინა, რომ საია-ს მომზადებული ვიდეო რგოლი აკმაყოფილებდა სოციალური რეკლამისათვის კანონით დადგენილ მოთხოვნებს; „მაესტრომ" დაარღვია კანონი, როდესაც უარი განაცხადა რეკლამის ეთერში განთავსებაზე და დაავალა უზრუნველყოს რეკლამის ეთერში გაშვება," ნათქვამია ორგანიზაციის ვებ-გვერდზე.
წყარო: ორგანიზაციის ვებ-გვერდი სოციალურ ქსელში
