ახალგაზრდების შეხვედრა ქვედა ვაშლოვანში
აჭარა. 16 ოქტომბერს, სოფელ ქვედა ვაშლოვანში გაიმართა დისკუსია, რომელსაც თავისუფალ ჟურნალისტთა სახლის მოხალისეები - თამარ გვარიშვილი და ზაზა ტაკიძე უძღვებოდნენ. დისკუსიათა ციკლის მიზანია აჭარის მაღალმთიან სოფლებში ნატოსა და ევროკავშირის შესახებ ცნობიერების ამაღლება. შეხვედრაზე იმსჯელეს ვიზალიბერალიზაციის პროცესზე, საქართველოს სამომავლო პერსპექტივაზე განათლების, ადამიანის უფლებებისა და ეკონომიკის თვალსაზრისით. მონაწილეებს გადაეცათ ნატოსა და ევროკავშირის საინფორმაციო ცენტრის მიერ მოწოდებული სხვადასხვა საინფორმაციო მასალა. დისკუსიების ციკლი იმართება ნატოსა და ევროკავშირის შესახებ საინფორმაციო ცენტრის და ფონდ „ნაციონალური წვლილი დემოკრატიისთვის" (NED) მხარდაჭერით.
