„მოვითხოვთ დამკვირვებელთა ხელშეშლის ფაქტებზე რეაგირებას”
თბილისი. არასამთავრობო ორგანიზაციები მიმართვას ავრცელებენ და მოითხოვენ დამკვირვებელთა ხელისშეშლის ფაქტებზე რეაგირებას.
„სადამკვირვებლო ორგანიზაციები გამოვხატავთ შეშფოთებას 8 ოქტომბერს, საპარლამენტო არჩევნების კენჭისყრის დღეს, დამკვირვებელთა ხელის შეშლისა და მათთვის სიტყვიერი და ფიზიკური შეურაცხყოფის ფაქტების თაობაზე. მოვუწოდებთ შესაბამის ორგანოებს, დროულად მოახდინონ რეაგირება და ეფექტურად წარმართონ გამოძიება ძალადობრივ ინციდენტებში მონაწილე პირთა დასადგენად და პასუხისგებაში მისაცემად", ნათქვამია განცხადებაში.
წყარო: gyla.ge
