სამეგრელო. ზუგდიდში მოქმედმა საზოგადოებრივმა ორგანიზაციამ „დევნილი ქალები საკუთარი უფლებების დაცვისათვის" ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრ დავით დარახველიძეს მიმართვა გაუგზავნა.  „მედიაში გავრცელდა ინფორმაცია იმის შესახებ, რომ თქვენს მიერ იყო აღმოჩენილი საწყობები, სადაც გადამალული იყო დევნილებისთვის განკუთვნილი დახმარება. ბატონო დავით, მოგმართავთ თხოვნით, თუ ეს შესაძლებელია შექმენით კომისია, სადაც შევლენ ადამიანები, რომლებიც დაადგენენ დახმარების ვადაგასულობის ხარისხს და თუ რამე აღმოჩნდა ვარგისი, გთხოვთ დაეხმაროთ ზუგდიდში განსახლებული დევნილების ყველაზე გაჭირვებულ კატეგორიას" –  ნათქვამია წერილში.