თბილისი. ინფორმაციის თავისუფლების ინსტიტუტი აქვეყნებს გიორგი დავითურის ბლოგპოსტს: „პერსონალურ მონაცემების დაცვა, როგორც სასამართლოს საქმიანობის გასაიდუმლოების ინსტრუმენტი".

„ალბათ უნდა დავფიქრდეთ, საჯარო ინფორმაციის გაცემის საკითხის გადაწყვეტისას, რატომ სრულდება პერსონალურ მონაცემთა დაცვის შესახებ კანონის მოთხოვნები ზედმიწევნით, რიგ შემთხვევებში "გადაჭარბებულად”. საჯარო ინფორმაცია სახელმწიფოს საქმიანობის კონტროლის მნიშვნელოვანი ინსტრუმენტია, რომელიც ფაქტობრივად ყოველთვის შეიცავს პერსონალურ მონაცემს. ამდენად პერსონალური მონაცემის დაცვა არის არა მხოლოდ უფლება, არამედ სახელმწიფოს ხელში არსებული ბერკეტი, რომლითაც შესაძლებელია მნიშვნელოვნად შეიზღუდოს სახელმწიფოს საქმიანობის გამჭვირვალობა და ანგარიშვალდებულება", ნათქვამია ორგანიზაციის ვებ-გვერდზე.

წყარო: idfi.ge