ომბუდსმენის განცხადება გადაცემა „კაცების დროს“ პრომოზე
თბილისი. საქართველოს სახალხო დამცველი მიიჩნევს, რომ გადაცემა „კაცების დროს" პრომო გენდერული სტერეოტიპების გამყარებას უწყობს ხელს.
„გავრცელებულ პრომო რგოლში, ქალებს მხოლოდ ფონის შექმნა ევალებათ, მაშინ როდესაც ორი მამაკაცი ცენტრალურ ფიგურად გვევლინება. ქალების დაკნინებულ მდგომარეობაში წარმოჩენით ხდება საზოგადოებაში კაცის ცენტრალური როლის ხაზგასმა. სახალხო დამცველი მიიჩნევს, რომ რეკლამა გენდერულად მჩაგვრელ პრაქტიკას ამკვიდრებს და ხელს უწყობს უარყოფითი გენდერული სტერეოტიპების გამყარებას ქალების პროფესიული შესაძლებლობების და მათი განვითარების შესახებ", ნათქვამია ომბუდსმენის განცხადებაში.
წყარო: www.ombudsman.ge
