კახეთი.საქართველოში ვეტერანთა უფლებების დამცველ არასამთავრობო ორგანიზაციათა კოალიციის ეგიდით, თელავში, ფონდ „ახალი სიცოცხლის" სააქტო დარბაზში ჩატარდა ყრილობა-კონფერენცია. კონფერენციაზე მოწვეულები იყვნენ ამ საკითხებზე მომუშავე არასამთავრობო ორგანიზაციები, მასმედიისა და სამოქალაქო სექტორის წარმომადგენლები. შეხვედრა მიზნად ისახავდა ვეტერანთა და გარდაცვლილ მეომართა ოჯახის წევრების პრობლემების განხილვასა და მათი გადაჭრის შესაძლო გზების ძიებას.

ალიკა ტალიური, ომის და სამხედრო ძალების თელავის რაიონის ვეტერანთა კავშირის თანადამფუძნებელი: ,,კონფერენციაზე განვიხილეთ რა პრობლემები აქვთ ვეტერანთა და გარდაცვლილ მეომართა ოჯახის წევრებს. ვთვლით, რომ მნიშვნელოვანია ამ პრობლემების გამოვლენა და მსჯელობა მათი მოგვარების მიზნით".