ევროკავშირთან ასოცირების შეთანხმების ვალდებულებები
თბილისი. 2014 წლის ივნისში, საქართველო და ევროკავშირი შეთანხმდნენ ასოცირების დღის წესრიგზე. დღის წესრიგი ადგენს საქართველო-ევროკავშირის ასოცირების შესახებ შეთანხმებითა და მისი ღრმა და ყოვლისმომცველი თავისუფალი სავაჭრო სივრცის კომპონენტით (DCFTA) გათვალისწინებული ვალდებულებების განხორციელების პრიორიტეტებს 2014-2016 წლებისთვის.
„შრომის უფლებების მატერიალური და ინსტიტუციური მექანიზმების გარანტირებას ასოცირების შეთანხმების მნიშვნელოვანი ნაწილი უჭირავს. დოკუმენტით განისაზღვრება ის ძირითადი მექანიზმები, რომელთა გაძლიერება შრომითი უფლებებისა და სამუშაო ადგილებზე შრომითი უსაფრთხოების უზრუნველყოფის მიზნით ამ შეთანხმების თანახმად სახელმწიფოს ვალდებულებაა”, ნათქვამია ადამიანის უფლებების სწავლებისა და მონიტორინგის ცენტრის ვებ-გვერდზე.
წყარო: emc.org.ge
