ომბუდსმენის რეკომენდაცია ბროწლიანის სათნოების სახლის პრობლემებზე
თბილისი. 21 მარტს, სახალხო დამცველმა რეკომენდაციით მიმართა ჯანდაცვის სამინისტროს, გაატაროს საჭირო ღონისძიებები „ბროწლიანის სათნოების სახლში" არსებული პრობლემების მოსაგვარებლად .
„შესწავლის შედეგად გამოვლინდა, რომ მომსახურების მიწოდება არ ხორციელდება ბენეფიციარებზე ორიენტირებულ გარემოში. სერვისი არ არის მორგებული ინდივიდუალურ საჭიროებებზე, არ არის დაცული უსაფრთხოება და სანიტარულ-ჰიგიენური მდგომარეობა. სათანადო ყურადღება არ ექცევა ბენეფიციართა ჯანმრთელობის მდგომარეობას, ამასთან არ ხდება მათი სოციალური აქტიურობის ხელშეწყობა. დაუყოვნებელ ცვლილებას საჭიროებს რთული ქცევის მართვის კუთხით დაწესებულებაში დამკვიდრებული ნეგატიური პრაქტიკა", ნათქვამია სახალხო დამცველის ვებ-გვერდზე.
წყარო: www.ombudsman.ge
