„3692: დამწვარი ასოების კრიალოსანი“
თბილისი. საქართველოს ახალგაზრდა იურისტთა ასოციაცია აქვეყნებს იურისტ თეონა მჭედლიძის ბლოგპოსტს: „3692: დამწვარი ასოების კრიალოსანი".
„წერა და კითხვა: ჩემი ოჯახის ძალიან ქალური ტრადიციაა. ჩემი პუტკუნა ბებია — ციალა ერქვა, დატოვებდა ხოლმე თავის ზღვისპირა სახლს და ორ-სამ დღეში ბრუნდებოდა ამოუცნობი გზით ნაშოვნი იშვიათი წიგნებით. ბაბუმ — მოცისფრო-მოიასამნისფრო თვალები ჰქონდა, ღრმა — თბილი ხმა და ბოტოტა, ნაშრომი ხელები — შეუჭედა ხის თაროები განიერ ოთახში და ხისსურნელიანი ბიბლიოთეკა მოუწყო. ამ ამბის გადამკიდე, დამჩემდა, რომ ბიბლიოთეკის მოწყობა და წიგნის ჩუქება — სიყვარულის ყველაზე მგრძნობიარე გამოხატვაა. შენ ხომ მხოლოდ ნივთს არ ჩუქნი. ჩუქნი ბევრ ფიქრს — და ამ ფიქრით, შენთან ყოფნას, მაშინაც როცა მარტოა", ნათქვამია ბლოგპოსტში.
წყარო: gyla.ge
