თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს არქიტექტორ-ურბანისტის, საქართველოს ტექნიკური უნივერსიტეტის პროფესორის ლადო ვარდოსანიძის პუბლიკაციას: „საქართველოს კონსტიტუციაში ღირსეული საცხოვრისის უფლების ასახვის საკითხისათვის".

„ეს გამოწვევები კი უპრეცედენტო ხასიათისა და მასშტაბის იყო – შეიარაღებული კონფლიქტებისა და ეკოლოგიური კატასტროფების შედეგად გაჩენილი დევნილების მრავალრიცხოვანი ტალღა; 2002 წელს თბილისში მიწისძვრის შედეგად დაზიანებული 20 000-ზე მეტი ობიექტი; ნორმატიულად ამორტიზებული შენობები, რომლებსაც მიმდინარე, კაპიტალური და ავარიული რემონტი 1990 წლიდან აღარ ჩატარებია და, რაც ძალიან მნიშვნელოვანია, გაჩნდა საცხოვრისის მაძიებლების ახლებური კატეგორიები – უბინაოები და უსახლკაროები. „საქართველოს მისახლეობის 2002 წლის პირველი ეროვნული საყოველთაო აღწერა" უკვე აფიქსირებს 788 უსახლკარო შინამეურნეობას (ოჯახს), 2 531 წევრით. სავარაუდოდ, ეს მონაცემები არასრული იყო", ნათქვამია სტატიაში.

წყარო: emc.org.ge