თბილისი. ჰაინრიხ ბიოლის ფონდის სამხრეთ კავკასიის ბიუროს ფემინისტურ ვებ-გვერდზე ფემინსტრიმის ვიზუალური ხელოვნების შესახებ პოდკასტი გამოქვეყნდა: „ფემინსტრიმი: ნათელა გრიგალაშვილი და მისი ფოტო ისტორიები".

„მე ისტორიას ვქმნი, რომელსაც შემდეგი თაობები ნახავენ და გაიგებენ როგორ ვცხოვრობდით დღეს.

პანკისის სოფლებში მცხოვრები ქალები თითქოს იზოლირებულნი არიან დანარჩენი სამყაროსგან. ეს ჩაკეტილობა ხელს უშლის ეკონომიკურ და სოციალურ განვითარებას, გადაწყვეტილებების დამოუკიდებლად მიღებას. ხეობაში არსებული კულტურულ-რელიგიური თავისებურებების გამო განქორწინების შემთხვევაში შვილები მამასთან რჩებიან, ამიტომაც აქ თითქმის არასდროს მიმართავენ განქორწინებას. მათი უმრავლესობა უსიტყვოდ ემორჩილება ადათ-წესებს, ტრადიციებს, ისინი აჩენენ და ზრდიან შვილებს, შემდეგ ზოგიერთი მათგანი მიდის ომში და დედას არაფერს ეკითხება", ამბობს ნათელა გრიგალაშვილი.

წყარო: www.feminism-boell.org