თბილისი. „საქართველოს დემოკრატიულმა ინიციატივამ" მოამზადა ახალი ვიდეოგაკვეთილი - „ადამიანის უფლებათა დაცვის საერთაშორისო მექანიზმები".

„უყურეთ ვიდეოგაკვეთილს, მოგვწერეთ თქვენი შენიშვნები, რაც ჩვენ დაგვეხმარება მის სრულყოფაში და ახალგაზრდებს კი - ადამიანის უფლებების უკეთ გაცნობასა და სამოქალაქო განათლების გაკვეთილების მომზადებაში", - მიმართავს ორგანიზაცია საზოგადოებას.

ვიდეოგაკვეთილი შეიქმნა პროექტის - „ადამიანის უფლებებისა და ტოლერანტობის სწავლება სამოქალაქო განათლების გზით" - ფარგლებში, რომელიც დაფინანსებულია ნიდერლანდების სამეფოს მთავრობის მიერ.

წყარო: „საქართველოს დემოკრატიული ინიციატივის" ოფიციალური ფეისბუქგვერდი