CHCA გამოცდილებას უცხოელ კოლეგებს უზიარებს
თბილისი. 27 ივლისს, საქართველოს პარლამენტის ეროვნულ ბიბლიოთეკაში, ცენტრმა „აფხაზეთმა" უკრაინის, სომხეთის, საქართველოს და რუსეთის ჩრდილოეთ კავკასიის სამოქალაქო საზოგადოების წარმომადგენლებს უმასპინძლა.
„ორგანიზაციამ სტუმრებს საკუთარი პროფესიული გამოცდილება გაუზიარა, რომელიც მან 22 წლიანი არსებობის მანძილზე დევნილთა და კონფლიქტით დაზარალებულ თემებთან მუშაობის პროცესში დააგროვა. სტუმართა ძირითად ინტერესს დევნილთა ინტეგრაცია და განსახლება, სახელმწიფოს მექანიზმები, ურთიერთობა ადგილობრივი ხელისუფლების წარმომადგენლებთან, საარსებო წყაროების საკითხები და სხვა წარმოადგენდა. უცხოური სამოქალაქო სექტორის წარმომადგენლები საქართველოში იმყოფებიან პროექტის „დავძლიოთ ომის შედეგები ერთად" ფარგლებში", ნათქვამია ორგანზიაციის ვებ-გვერდზე.
წყარო: ორგანიზაციის ვებ-გვერდი სოციალურ ქსელში
