სახალხო დამცველმა ევროსაბჭოს მინისტრთა კომიტეტს მორიგი კომუნიკაცია წარუდგინა
თბილისი. 2017 წლის 5 სექტემბერს საქართველოს სახალხო დამცველმა ევროპის საბჭოს მინისტრთა კომიტეტს მორიგი კომუნიკაცია წარუდგინა. კომუნიკაცია შეეხება ეგრეთ წოდებული „ღარიბაშვილის ჯგუფის" საქმეებს, რომლებშიც ადამიანის უფლებათა ევროპულმა სასამართლომ წამებისა, არაადამიანური მოპყრობის და სიცოცხლის ხელყოფის ფაქტებზე, საქართველოს გამოძიების განახლება დაავალა.
მინისტრთა კომიტეტის სხდომაზე, რომელიც 19-22 სექტემბერს ჩატარდება, საქართველოს მიერ ნაკისრი ვალდებულების შესრულების საკითხი – გამოძიების მიმდინარეობის შედეგები განიხილება. სხდომაზე მინისტრთა კომიტეტი, ასევე, განიხილავს საქართველოს მიერ გატარებულ იმ ინდივიდუალურ და ზოგად ღონისძიებებს, რაც ემსახურება წამებისა და არასათანადო მოპყრობის ფაქტების ეფექტიან გამოძიებასა და მათ პრევენციას.
წყარო: საქართველოს სახალხო დამცველის ვებგვერდი
