დმანისისა და თელავის მუნიციპალიტეტებში სადემონსტრაციო დღეები ტარდება
საქართველო. დღეს, 12:00 საათზე საქართველოში ევროკავშირის სოფლის მეურნეობისა და სოფლის განვითარების პროგრამისა (ENPARD) და ევროკავშირის მიერ დაფინანსებული პროექტის - „სასოფლო-სამეურნეო კოოპერატივების განვითარების მხარდაჭერა საქართველოში" - ფარგლებში, ოქსფამის კონსორციუმის წევრი საერთაშორისო ორგანიზაცია „მოძრაობა შიმშილის წინააღმდეგ” დმანისის მუნიციპალიტეტის სოფელ განთიადში სადემონსტრაციო დღეს გამართავს.
20 ოქტომბერს, 12:00 საათზე სადემონსტრაციო დღე თელავის მუნიციპალიტეტის სოფელ კონდოლში ჩატარდება. ღონისძიებები ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მხარდაჭერით იმართება.
წყარო: ორგანიზაციის ვებგვერდი
