თბილისი. საქართველოს სახალხო დამცველი მწუხარებას გამოთქვამს ნუცუბიძის ფერდობზე, პოლიციის თანამშრომელთა მიერ დაკავებისას, მოქალაქის გარდაცვალების გამო და მოუწოდებს საქართველოს პროკურატურას ოპერატიულად და ეფექტიანად ჩაატაროს ყველა საგამოძიებო/საპროცესო მოქმედება.
სახალხო დამცველი, ასევე, ეხმაურება საქართველოს შინაგან საქმეთა სამინისტროს განცხადებასა და უწყების მიერ ვიდეოჩანაწერების გავრცელების ფაქტს და მას საზოგადოების თვალში პირის დისკრედიტაციის მცდელობად აფასებს.
წყარო: ორგანიზაციის ვებგვერდი