სახალხო დამცველი შესაძლო წამების ფაქტზე მიმდინარე გამოძიების შეწყვეტას ეხმაურება
თბილისი. საქართველოს სახალხო დამცველი ეხმაურება საქართველოს პროკურატურის მიერ მიმდინარე წლის 10 ოქტომბერს გავრცელებულ განცხადებას, მოქალაქე ი.ხ.-ს მიმართ პოლიციელების მხრიდან სავარაუდოდ განხორციელებული არასათანადო მოპყრობის ფაქტზე გამოძიების შეწყვეტის შესახებ.
სახალხო დამცველი მიიჩნევს, რომ ამ კონკრეტულ სისხლის სამართლის საქმეზე არ ჩატარდა დროული და ეფექტიანი გამოძიება და იგი შეწყდა უსაფუძვლოდ, ვინაიდან გამოძიებამ ვერ გამორიცხა, რომ პირი პოლიციის შენობაში იქნა ნაცემი, მიუხედავად ამისა, საქმის წარმოება მიანც შეწყვიტა. სახალხო დამცველი აუცილებლად მიიჩნევს, პროკურატურამ განაახლოს ამ საქმის წარმოება და ფაქტის გამოძიება სრულყოფილად აწარმოოს.
წყარო: ორგანიზაციის ვებგევრდი
