თბილისი. 22 ნოემბერს, საქართველოს სახალხო დამცველმა უჩა ნანუაშვილმა „სამართალდამცავი უწყებების თანამშრომელთა წინააღმდეგ მოქალაქეთა საჩივრების შემოწმების შესახებ" სპეციალური ანგარიში წარმოადგინა.

„დოკუმენტში მიმოხილულია მთავარი პროკურატურის, შინაგან საქმეთა სამინისტროს, სასჯელაღსრულებისა და პრობაციის სამინისტროსა და საქართველოს სახელმწიფო უსაფრთხოების სამსახურის თანამშრომელთა წინააღმდეგ მოქალაქეთა საჩივრების საფუძველზე დაწყებული დისციპლინური შემოწმების პროცესი.

ანგარიშის პრეზენტაციაზე საქართველოს სახალხო დამცველის პირველმა მოადგილემ ნათია კაციტაძემ ის ხარვეზები გამოკვეთა, რომლებიც მოქალაქეთა საჩივრების საფუძველზე დაწყებული დისციპლინური შემოწმების შესწავლის შედეგებით გამოიკვეთა", ნათქვამია ორგანიზაციის ვებგვერდზე სოციალურ ქსელში.

წყარო: www.ombudsman.ge