იმერეთი. ქუთაისის ახალგაზრდულმა ცენტრმა შიდსთან ბრძოლის მსოფლიო დღე აღნიშნა.

„სპეციალურად ამ დღისათვის ცენტრის წევრებისთვის ჩატარდა სემინარი თემაზე „აივ ინფექცია/შიდსი და მისი პრევენცია”. ახალგაზრდებს საშუალება ჰქონდათ მიეღოთ ამომწურავი ინფორმაცია მათთვის საინტერესო საკითხებზე. სემინარის მსვლელობისას განხილული იქნა ისეთი საკითხები, როგორიცაა: შიდსის ისტორია, გადაცემის გზები, პროფილაქტიკა, დიაგნოსტირება, მკურნალობა, აივ საწინააღმდეგო ვაქცინები, აივ ინფექცია/შიდსის პრევენცია, მსოფლიოსა და საქართველოში არსებული სიტუაციური ანალიზი და სხვა”, ნათქვამია ორგანიზაციის ვებგვერდზე.

წყარო: ორგანიზაციის ვებგვერდი სოციალურ ქსელში