„სტრატეგიული კვლევებისა და განვითარების ცენტრის“ რეკომენდაციები თელავის გამგეობას
კახეთი. 1 მარტს, არასამთავრობო ორგანიზაციის „სტრატეგიული კვლევებისა და განვითარების ცენტრის" ორგანიზებით თელავის დემოკრატიული ჩართულობის ცენტრში საინფორმაციო შეხვედრა გაიმართა. მას არასამთავრობო ორგანიზაციების, ადგილობრივი თვითმმართველობის, მედია საშუალებებისა და ინფრასტრუქტურის სამინისტროს წარმომადგენლები ესწრებოდნენ.
შეხვედრის მიზანი „სტრატეგიული კვლევებისა და განვითარების ცენტრის" მიერ თელავის ოთხ სოფელში ჩატარებული კვლევის მიხედვით გამოვლენილი პრობლემების შეფასებასა და ადგილობრივ თვითმმართველობამდე მათ მიტანას შეეხებოდა.
„სტრატეგიული კვლევებისა და განვითარების ცენტრის" ექსპერტის კახა ჯამბურიას თქმით, ორგანიზაციის მიერ ჩატარებული კვლევა სოფლებში „სოფლის დახმარების პროგამის" ფარგლებში გასულ წლებში გამოვლენილ პრობლემებსა და მომავლისთვის მის მოგვარებას ეხებოდა.
