„ერთ ლარად გაცემული ქონება“
თბილისი. საერთაშორისო გამჭვირვალობა საქართველომ ვებგვერდზე „ერთ ლარად გაცემული ქონება–პრობლემატური ტენდენციები" გამოაქვეყნა. ორგანიზაციამ ეკონომიკის სამინისტროსგან ბოლო სამი წლის მანძილზე სიმბოლურ ფასად გასხვისებულ სახელმწიფო ქონებასთან დაკავშირებული ინფორმაციის საფუძველზე შეისწავლა სახელმწიფო ქონების გასხვისების რამდენიმე შემთხვევა და შემდეგი ტენდენციები გამოვლინა: საპრივატიზაციო პირობის არ არსებობა, საინვესტიციო ვალდებულებების შესრულების შესაძლებლობა, სამთავრობო კავშირების მქონე ბენეფიციარები და რეკომენდაციები. „აუცილებელია სახლმწიფომ უზრუნველყოს იმგვარი მექანიზმის დამკვიდრება, რომელიც ერთის მხრივ არ წარმოშობს საზოგადოებაში დასაბუთებულ ეჭვებს და მეორეს მხრივ იქნება მოქნილი და ეფექტური საშუალება ქვეყანაში ინვესტიციების ზრდისთვის და პრივატიზების სვა იდეალური მიზნების მიღწევისთვის", ნათქვამია ორგანიზაციის ვებგვერდზე.
წყარო:ორგანიზაციის გვერდი სოციალურ ქსელში
