საქართველოს სახალხო დამცველი: „უსაფრთხო შრომა ადამიანის უფლებაა“
თბილისი. საქართველოს სახალხო დამცველი „შრომის უსაფრთხოების შესახებ" საქართველოს კანონის პროექტის განხილვის გაჭიანურებას ეხმიანება.
„შრომის უსაფრთხოება, პირველ რიგში, ადამიანის უფლების საკითხია. ყველა დასაქმებულს აქვს უფლება იმუშაოს უსაფრთხო სამუშაო გარემოში, სადაც მისი ჯანმრთელობა და სიცოცხლე დაცული იქნება. დამსაქმებლებს ამ კუთხით ვალდებულებები დღესაც აქვთ. კანონპროექტის ძირითადი მიზანი მათი შესრულების უზრუნველყოფაა. სახალხო დამცველი მოუწოდებს საქართველოს მთავრობასა და პარლამენტს, შრომის უსაფრთხოება ადამიანის უფლებების ჭრილში განიხილონ და არ წავიდნენ კომპრომისებზე დასაქმებულის სიცოცხლისა და ჯანმრთელობის, ადამიანის უფლებების ხარჯზე", - აცხადებს სახალხო დამცველი.
წყარო: ორგანიზაციის ვებგვერდი
