კახეთი. თელავის დემოკრატიული ჩართულობის ცენტრში „საქართველოს ბავშვთა და ახალგაზრდობის განვითარების ფონდმა" არასამთავრობო ორგანიზაციებთან სამუშაო შეხვედრა გამართა. შეხვედრაზე შედგა ფონდის 2013 წლის პირველი საგრანტო კონკურსისა და პროგრამული პრიორიტეტების პრეზენტაცია.  ორგანიზაციებმა სრული ინფორმაცია მიიღეს: საკონკურსო ეტაპების, საგრანტო განაცხადის შედგენის წესისა და ყველა იმ დამატებითი პროცედურის შესახებ რომელიც დაეხმარებათ ფონდის მიმდინარე საგრანტო კონკურში მონაწილეობის მისაღებად.შეხვედრაზე საუბარი იყო „ბავშვთა და ახალგაზრდობის განვითარების ფონდის საგრანტო კონკურსისა და პროგრამული პრიორიტეტების" შესახებ.ბავშვთა და ახალგაზრდობის განვითარების ფონდის დირექტორი ირაკლი ჟორჟოლიანი: „ასეთი შეხვედრები მიზნად ისახავს რეგიონების აქტიურ ჩართვას „ბავშვთა და ახალგაზრდობის განვითარების ფონდში. ეს არაა ერთჯერადი შეხვედრა. ვაპირებთ საქართველოს ყველა რეგიონის ქალაქებში ჩასვლას და მოსახლეობასთან შეხვედრას".