“სამართალდამცავთა დაცვის ლიგის” – პრეზენტაცია
თბილისი. 11 მარტს ახალი არასამთავრობო ორგანიზაციის – "სამართალდამცავთა დაცვის ლიგის” – პრეზენტაცია შედგა, მასში სამართალდამცავი სტრუქტურების ყოფილი წარმომადგენლები არიან გაწევრიანებული. ორგანიზაცია მიზნად ისახავს ადამიანის უფლებების დაცვას, სამართლიანობის დამკვიდრებასა და ძალოვანი სტრუქტურების რეპუტაციის გაფრთხილებას. "სამართალდამცავთა დაცვის ლიგის” ერთ-ერთი წევრის ირაკლი ქადაგიძის განცხადებით ორგანიზაცია სათანამშრომლოდ იწვევს ძალოვანი სტრუქტურების ყველა ყოფილს პოლიციელს, ჯარისკაცსა თუ პროკურატურის თანამშრომლებს. ლიგის წევრების თქმით ისინი მზად არიან ასევე თანამშრომლობისთვის ძალოვან უწყებებთან და აქტიური მონაწილეობა მიიიღონ რეფორმების განხორციელებაში.
წყარო:ორგანიზაციის გვერდი სოციალურ ქსელში
