სპექტაკლი უსინათლოთა კავშირში
ბათუმი. 11 მარტს, ბათუმის უსინათლოთა კავშირის ფილიალში ახალგაზრდულმა ორგანიზაცია "არტ ვეიმ" მორიგი ღონისძიება გამართა. უსინათლოთა კავშირის წევებმა ამჯერად ოთარ ქათამაძის პიესა "ამბავი ბარში" ნახეს. აღნიშნული აქტივობა მიზნად ისახავდა უსინათლოთა საზოგადოებაში ინტეგრირებას ხელოვნების გზით. გამომდინარე იქიდან, რომ ისინი ნაკლებად არიან ჩართულნი კულტურულ პროცესებში, პროექტის ორგანიზატორების თქმით ძალიან მნიშვნელოვანია მსგავსი ტიპის ღონისძიებების მოწყობა და მათი უშუალო მონაწილეობა. პიესა წაკითხულ იქნა პროექ "რე-ანიმაციის" ფარგლებში, რომლის ფინანსური მხადამჭერია "აღმოსავლეთ-დასავლეთის მართვის ინტიტუტი" (EWMI G-PAC).
