“ბათუმური პოეზიის ტურნე” დასრულდა
აჭარა. 12 მარტს, ინტურისტ პალასში "ბათუმური პოეზიის ტურნე"-ს ფარგლბეში ახალგაზრდა ბათუმელმა პოეტებმა შემაჯამებელი პოეზიის საღამო გამართეს. სხვადასხვა თემაზე დაწერილი ათობით ლექსი დამსწრე საზოგადოებას მუსიკის თანხლებით წაუკითხეს და ტურნეში ყოფნისას მომხდარ თავგადასავლებზე ისაუბრეს. ბათუმელი ახალგაზრდა პოეტები 23 თებერვლიდან 12 მარტამდე საქართველოს ათამდე ქალაქში ჩავიდნენ და მკითხველებს თავიანთი ლექსები წაუკითხეს. პოეზიის საღამოზე დასწრების შესაძლებლობა პოეზიის ყველა მოყვარულისთვის იყო შესაძლებელი. აჭარის განათლების, კულტურისა და სპორტის სამინისტრო აღნიშნულ პროექტს უკვე მეორე წელია ახორციელებს.
