‎იმერეთი.13 მარტს ქუთაისის ახალგაზრდული ცენტრის წევრებისათვის ორგანიზება გაუკეთდა დისკუსიას თემაზე: ’’არასრულწლოვანთა მართლმსაჯულება’’, რომლის მუშაობას იურისტი ქეთევან სვანიძე უძღვებოდა. დისკუსიაში მონაწილეობა ცენტრის 30 წევრმა მიიღო. დისკუსიაზე მსმენელებს მიეწოდათ ინფორმაცია არასრუწლოვანთა მართლმსაჯულების, არასრულწლოვან დამნაშავეთა რეაბილიტაციის და სოციალური ინტეგრაციის საკითხებზე. განსაკუთრებული ყურადღება დაეთმო მედიაციის და განრიდების პროგრამას. ახალგაზრდებს შესაძლებლობა ჰქონდათ მიეღოთ იურისტისგან პასუხები, მათთვის საინტერესო კითხვებზე. დისკუსია ორგანიზებული იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.

წყარო:ორგანიზაციის გვერდი სოციალურ ქსელში