თბილისი. საქართველოს იურისტთა ასოციაციამ სასჯელის დანიშვნის წესთან დაკავშირებული კანონპროექტთან დაკავშირებით განცხადება გაავრცელა. „საიას მოსაზრებით, საქართველოს მთავრობის მიერ საქართველოს პარლამენტში ინიცირებული კანონპროექტი საჭიროებს არსებით გადამუშავებას. უმჯობესი იქნება თუ განსახილველი პროექტი დაუახლოვდება იუსტიციის სამინისტროს მიერ მომზადებული კანონპროექტის პირველად ვერსიას, რომელიც სასჯელის დანიშვნის წესს დანაშაულის კატეგორიებს უკავშირებდა", ნათქვამია განცხადებაში. საია  მიესალმება სისხლის სამართლის პოლიტიკის ლიბერალიზაციის მიმართულებას, თუმცა მიაჩნია, რომ კანონპროექტში არის მნიშვნელოვანი საკითხები, რაც აუცილებლად საჭიროებს დახვეწას.

წყარო:gyla.ge