„ახალგაზრდა ადვოკატები“ N7 პენიტენციალური დაწესებულების დახურვას დაესწრო
თბილისი. ორგანიზაცია „ახალგაზრდა ადვოკატები" სასჯელაღსრულებისა და პრობაციის სამინისტროს N7 განსაკუთრებული რისკის პენიტენციური დაწესებულების ოფიციალურად დახურვის ღონისძიებას დაესწრო.
„ორგანიზაციის შეფასებით ცალსახაა, რომ მეშვიდე დაწესებულებაში არსებული საცხოვრებელი პირობები და ინფრასტრუქტურული გარემო წარმოადგენდა არასათანადო მოპყრობის მაგალითს. შესაბამისად მისასალმებელია, რომ სასჯელაღსრულებისა და პრობაციის სამინისტროს მხრიდან მოხდა საერთაშირისო და ადგილობრივი ორგანიზაციების რეკომენდაციების გაზიარება, აღნიშნული დაწესებულების დახურვასთან დაკავშირებით და დღეის მდგომარეობით N7 დაწესებულება, რომელიც განსაკუთრებული რისკის პატიმრების მიმართ არასათანადო და არაჰუმანურ მოპყრობასთან ასოცირდება, ოფიციალურად დახურულია", ნათქვამია ორგანიზაციის ვებგვერდზე.
წყარო: barristers.ge
